أنا الأديب الأدباتى
عايش فى كلام
ضيعت ع الحرف حياتى
غير الأوهام
غرقان فى أفكارى ليلاتى
سهران ما بنام
كان نفسي أطلع عجلاتى
نفّيخ لحّام
أنا الأديب الأدباتى
ولا ليا مثيل
غنيت و عينى ع الآتى
و الصبر جميل
و الآتى ما جابش الآتى
واتهد الحيل
ياريتنى كنت صرماتى
من غير تأويل
شعر الأدباتى
محمدعثمان جبريل
هناك تعليق واحد:
صرماتي يا استاذي
وانا ابقي صبي الصرماتي رجاء ..
امتي بقي تحن علي الشعب الغلبان وتحط الابداعات دي في كتاب
احسن من التهيس اللي بيتحط في كتب ..
إرسال تعليق